Արևային ինվերտորներ
Ինվերտորը կայանի կառավարող հանգույցն է. այն վահանակների հաստատուն հոսանքը վերածում է փոփոխական հոսանքի և որոշում, թե արտադրված էներգիան ուր ուղղվի՝ տան սարքերին, կուտակիչին կամ ցանց։ Կայանի իրական արտադրողականությունը և հոսանքազրկման ժամանակ վարքը մեծապես կախված են հենց ինվերտորի տիպից ու ընտրությունից։
Ինվերտորների տիպերը
Ինվերտորի տիպը որոշում է, թե կայանը կաշխատի արդյոք հոսանքազրկման ժամանակ և հնարավոր կլինի արդյոք կուտակիչ ավելացնել։ Ուստի այս ընտրությունը կատարվում է կայանի տեսակի հետ միասին՝ նախագծման փուլում։
Ցանցային (on-grid) ինվերտոր
Աշխատում է ցանցին զուգահեռ և կուտակիչ չի սպասարկում։ Ամենապարզ և ամենամատչելի տարբերակն է, բայց հոսանքազրկման ժամանակ անվտանգության նկատառումներով անջատվում է՝ նույնիսկ եթե արևը փայլում է։
Հիբրիդային ինվերտոր
Աշխատում է ցանցի հետ և միաժամանակ սպասարկում կուտակիչը, ուստի հոսանքազրկման ժամանակ շարունակում է սնուցել տունը։ Ընտրվում է այն դեպքում, երբ կուտակիչ նախատեսվում է հիմա կամ մոտ ապագայում. հիբրիդային ինվերտոր տեղադրելը սկզբից ավելի էժան է, քան ցանցայինը հետո փոխարինելը։
Ինքնավար (off-grid) ինվերտոր
Աշխատում է ցանցից անկախ և ամբողջ սպառումը ձևավորում է վահանակներից ու կուտակիչից։ Կիրառվում է ցանցային միացում չունեցող օբյեկտներում, որտեղ ինվերտորի հզորությունը հաշվարկվում է գագաթնային սպառման, ոչ թե միջինի հիման վրա։
Միկրոինվերտորներ
Տեղադրվում են վահանակների տակ առանձին՝ մեկ ընդհանուր ինվերտորի փոխարեն։ Առավելությունը այն է, որ մեկ վահանակի ստվերումը մյուսների արտադրությունը չի սահմանափակում, ուստի դիտարկվում են բարդ երկրաչափությամբ կամ մասնակի ստվեր ունեցող տանիքների համար։
Ինչպես ընտրել ինվերտոր
Հզորության համապատասխանությունը կայանին
Ինվերտորի հզորությունը համաձայնեցվում է վահանակների գումարային հզորության հետ։ Չափից փոքր ինվերտորը կրճատում է ցերեկային գագաթնային արտադրությունը, չափից մեծը՝ թանկացնում է կայանը առանց արտադրության ավելացման։ Հաշվարկը կատարվում է նախագծման փուլում։
MPPT մուտքերի քանակը
MPPT-ն ինվերտորի հանգույցն է, որը գտնում է վահանակների աշխատանքի օպտիմալ կետը։ Մի քանի անկախ MPPT մուտք թույլ է տալիս տարբեր թեքությամբ կամ ուղղությամբ շարքերն աշխատեցնել առանձին, և մեկ շարքի ստվերումը մյուսի արտադրությունը չի իջեցնում։
Արդյունավետություն
Փոխակերպման ընթացքում էներգիայի մի մասը կորչում է ջերմության տեսքով։ Տարբերությունը թվերի մեջ փոքր է թվում, բայց այն գործում է կայանի ամբողջ շահագործման ընթացքում՝ ամեն օր։
Կուտակիչի աջակցություն
Եթե կուտակիչ նախատեսվում է ապագայում, ինվերտորի ընտրությունը կատարվում է հենց հիմա։ Ցանցային ինվերտորին կուտակիչ հետագայում ավելացնելը սովորաբար նշանակում է ինվերտորի փոխարինում կամ լրացուցիչ սարքավորում։
Մոնիտորինգ
Ինվերտորն է կայանի տվյալների աղբյուրը՝ ընթացիկ և կուտակային արտադրությունը, սխալների գրանցումը։ Հենց այս տվյալներով ենք հետևում կայանի աշխատանքին և հայտնաբերում արտադրողականության անկումը վաղ փուլում։
Երաշխիք և պաշտպանվածություն
Ինվերտորի ծառայության ժամկետը վահանակներից կարճ է, ուստի երաշխիքի ժամկետը գործնական նշանակություն ունի։ Կարևոր է նաև պաշտպանվածության դասը, եթե ինվերտորը տեղադրվում է բացօթյա՝ խոնավության և փոշու պայմաններում։
Ո՞ր արտադրողների ինվերտորներով ենք աշխատում
Կոնկրետ մոդելն ընտրվում է նախագծման փուլում՝ ելնելով կայանի հզորությունից, տանիքի դասավորությունից և կուտակիչի առկայությունից։
Deye
Ningbo Deye Inverter Technology Co., Ltd.-ն հիմնադրվել է 2007 թվականին, Deye Group-ի բարձր տեխնոլոգիական դուստր ձեռնարկությունն է, որն ապահովում է արևային ինվերտորներ 1 կՎտ-ից մինչև 136 կՎտ հզորությամբ։ Այն առաջարկում է ցանցին միացված, ինքնուրույն և հիբրիդային համակարգեր՝ բարձրացնելով արդյունավետությունը առաջադեմ SVPWM և T տիպի երեք մակարդակի տոպոլոգիայի միջոցով։
Huawei
Huawei FusionSolar-ը՝ խելացի արևային լուծումների առաջատարը, մասնագիտացած է բարձր արդյունավետությամբ ինվերտորների և էներգիայի պահպանման համակարգերում։ Համատեղելով արհեստական ինտելեկտը և ամպային տեխնոլոգիաները՝ Huawei-ն ուժեղացնում է արևային էներգիայի արտադրությունը՝ ապահովելով հուսալիություն և էներգիայի խելացի կառավարում բնակելի, առևտրային և կոմունալ մասշտաբի հավելվածների համար ամբողջ աշխարհում։
Fox ESS
Fox ESS-ը ինվերտորների և էներգիայի պահպանման լուծումների մշակման համաշխարհային առաջատարն է։ Աշխարհի առաջատար ինվերտորների և մարտկոցների մասնագետների կողմից մշակված մեր արտադրանքը նոր ճանապարհ է բացում. հաճախորդներին առաջարկելով արտադրանքի ամենաառաջադեմ հնարավորությունները, որոնք ներկայումս հասանելի են՝ զուգորդված անզուգական կատարողականությամբ և հուսալիությամբ։
SolaX
SolaX լարային ինվերտորները նախագծված են ինչպես բնակելի, այնպես էլ առևտրային ծրագրերի էներգիայի տարբեր կարիքները բավարարելու համար։ 0,6-ից մինչև 350 կՎտ հզորության տիրույթով ինվերտորներն առաջարկում են բացառիկ բազմակողմանիություն՝ տեղակայման լայն տեսականի տեղավորելու համար։ Նախագծված է օպտիմալ կատարողականություն ապահովելու համար, ինվերտորները պարծենում են բարձր արդյունավետությամբ, անվտանգությամբ, ճկունությամբ և խելացի տեխնոլոգիայով։
SOFAR
SOFAR-ը արևային ՖՎ և էներգիայի պահպանման լուծումների համաշխարհային առաջատար մատակարար է։ Նրա համապարփակ պորտֆոլիոն ներառում է 1 կՎտ-ից մինչև 350 կՎտ հզորությամբ ՖՎ ինվերտորներ, 3 կՎտ-ից մինչև 20 կՎտ հիբրիդային ինվերտորներ, մարտկոցների պահեստավորման համակարգեր, կոմունալ ESS լուծումներ և խելացի էներգիայի կառավարման լուծումներ բնակելի, առևտրային և արդյունաբերական և կոմունալ մասշտաբների համար։
Ինվերտորի ծառայության ժամկետը
Ինվերտորի ծառայության ժամկետը վահանակներից կարճ է, ուստի կայանի շահագործման ընթացքում ինվերտորը կարող է փոխարինման կարիք ունենալ։ Հենց այդ պատճառով ինվերտորի երաշխիքի ժամկետը և արտադրողի հուսալիությունը գործնական նշանակություն ունեն ընտրության ժամանակ։ Մենք տրամադրում ենք 12 տարվա երաշխիքային սպասարկում, իսկ կայանի աշխատանքին հետևում ենք հենց ինվերտորի մոնիտորինգի տվյալներով՝ արտադրողականության անկումը վաղ փուլում հայտնաբերելու համար։
Ինվերտորն ընտրվում է կայանի տեսակի հետ միասին. ամբողջ համակարգի մասին կարդացեք արևային կայաններ էջում, վահանակների ընտրության մասին՝ արևային վահանակներ էջում։ Անվճար չափագրման համար զանգահարեք +374 98 13 13 11։